پير محمد ابراهيم ’خليل‘ جان سرهندي: هيءُ بزرگ، محمد اسماعيل جان جو ٻيو نمبر فرزند، محمد حسين جان سرهنديءَ جو پوٽو، خواجه محمد حسن جان جو ڏوهٽو هو. رمضان المبارڪ 1334هه/1915ع ۾ جنم ورتائين. ننڍپڻ ۾ پنهنجي والد ۽ ڏاڏي کان عربي، فارسي، سنڌي ۽ فقهه جي تعليم حاصل ڪيائين. سنڌي چوٿين درجي کان پوءِ سنڌ مدرسة الاسلام ڪـراچـيءَ ۾ انگـريـزي پـڙهـڻ لاءِ داخـل ٿيـو. نهايت ذهيـن هو، جلد ئي کيس انگريزي تعليم ترڪ ڪرائي واپس ڳوٺ آندو ويو، بعد ۾ ’طبيه ڪاليج دهليءَ‘ ۾ داخل ٿيو، جتان چند سالن بعد سند يافته ٿي واپس وطن ڏانهن وريو. سنڌ پهچڻ شرط ساماري شهر ۾ ’گلزار خليل‘ نالي هڪ مدرسي جو بنياد رکيائين. تعليم سان گڏ پنهنجي مسلڪ جو پرچار به جاري رکيائين. سائين جي .ايم. سيد جي ڪتاب ”جيئن ڏٺو مون“ جي جواب ۾ سطحي تنقيد تي مشتمل ڪتاب ”سنڌ سونهاري“ لکيائين. هن حديث ۾ سنڌ ۽ هند جي ڪيترن عالمن کان سندون حاصل ڪيون. شاعري به ڪيائين، شاعريءَ ۾ سندس تخلص ”خليل“ هو. پير محمد ابراهيم خليل جا ڪجهه ڪتاب به تصنيف ٿيل آهن ۽ سنڌ ۾ سندس هزارين مريد آهن.
1915.00.00 عيسوي
پير محمد ابراهيم خليل جان سرهندي رمضان المبارڪ 1334هه/1915ع ۾ جنم ورتو